الطفل الحزين
البارحة بين التوجد والملامة والحنين
.....// وقفت لحظة صمت بين الهم وصدوف الزمان
فتحت بيبان الندم على ملفات السنين
.....// واقفلت بيبان الامل واطلقت للفكر العنـان
اخذت لي لحظات مدري وين انا والناس وين
.....// وانا على بالي انا والناس في نفس المكـان
لقيت نفسي في دروب الحلم والشوق الدفين
.....// تاية تحت حكم السهر ولهان لين النور بان
رسمت حلمي مثل طفل في عيونه عبرتين
.....// الاوله يتم وقهـر والثانية فاقـد حنان
وقف على الآمال يهتف يامعين الصابرين
.....// يا صمت بدلت الأمل بالياس والدنيا آمان
ينزف ألم ويطفي بدمعة عيونه جمرتين
.....// ويرسم من الاحلام عرش يزخرفه لولو ودان
تكسرت احلام قلبه في يدين العاشقين
.....// ماله أمل ياكود نظرة حلم من خدر العيان.!؟
خدر العيان وويش هي خدر العيان ام الجبين
.....// لالا عيون الكون كله في ليال الشمعدان.!؟
كل الكواكب مادرت عن صدمت الطفل الحزين
.....// تدرين ولا ما دريتي يا زفرات الجنــان
تدرين هذا الطفل منهو يا زهور الياسمين
.....// تدرين هذا الطفل منهو يا زهور القحويان
تدرين هذا الطفل منهو يا عيون الحاضرين
.....// تدرين هذا الطفل منهو يا دقايق يا ثـوان
تدرين منهو يالنوايا الحايره هل تعلمين
.....// ان الله اللي خالق كونه بأمره كـن فكان
تدرين ولا مادريتي عن يسارك عن يمين
.....// يادانة المشرق وش اللي في بحر سحر البيان
تدرين عن شوك المواجع يا سخيفات اليدين
.....// تدرين عن قفر الصحاري يا سحاب الصيف وان
تدرين عن طعن المروّه يا قلوب المرهفين
.....// ولا عن دموع الشفق لا سمعت صهيل الحصان
مدري دواليب الدهر دارت بكلتا الحالتين
.....// ولا البشر قامت تسوي مثل حرب الفاتكان
تعاظمت روح الطفل في غربته شموخ بين
.....// صمت المشاعر والشجون وكلٍ ماحوله هوان
نادى على ظلم الحقيقه بين صمته واليقين
.....// يصرخ لروحه في يدين ضايعه والعمر فان
يا مملكة روحي تعالي واحضنيني حب لين
.....// تكسر ضلوعي ووقّيها عـن ظروف الزمان
وارمي علي حمول قلبك بيّنا سلمٍ ودين
.....// والله ماخونك دامني عالي ما عاين للطمـان
لا تنظرين لما مضى يالحايره لا تنظرين
.....// الى متى وانتى على هـذا الطغى والغفيان
في ليلة فيها اتعوذ من عيون الحاسدين
.....// يافتنة العالم تعالي شـوق واجيلك جنان
وسلامت قلوبكم
موضوع: --}{ الطفــل الحزيـــن }{-- 
الثلاثاء يناير 13, 2009 5:39 am
